Cuilén de Escocia

Cuilén de Escocia

Nome orixinal	(gd) Cuilén mac Iduilb
Biografía
Nacemento	954
Morte	971 (Gregoriano) (16/17 anos) Abingdon-on-Thames, Reino Unido
Causa da morte	homicidio
Lugar de sepultura	St Andrews
Monarca de Escocia
967 – 971 ← Dub de Escocia – Kenneth II de Escocia →
Actividade
Ocupación	político
Familia
Familia	Casa de Alpin
Fillos	Malcolm (?), Constantino III de Escocia
Pai	Indulf de Escocia
Irmáns	Amlaíb de Escocia
Sinatura
Descrito pola fonte	Dictionary of National Biography

Cuilén (tamén chamado Culén, Cuilean), finado en 971, foi un rei de Alba (Escocia). Era fillo de Illulb mac Custantín, do cal recibe o patronímico mac Illuilb (tamén mac Iduilb, mac Ilduilb) do clan Áeda meic Cináeda, unha póla da dinastía Alpin. Durante o século X, os Alpin alternaron o reinado de Alba entre as dúas pólas dinásticas principais. Dub mac Maíl Choluim, un membro da póla rival da familia, parece que conseguiu o poder despois da morte de Illulb en 962. Cuilén desafiouno pero foi derrotado en 965. Dub foi finalmente expulsado e asasinado en 966/967. Descoñécese se Cuilén foi responsable da súa morte.

Despois da caída de Dub, Cuilén semella que gobernou como rei sen disputa dende 966 até 971. Pouco se coñece do curto reinado de Cuilén agás a súa morte en 971. Segundo diferentes fontes, el e o seu irmán, Eochaid, foron asasinados por britanos. Algunhas fontes identifican ó asasino de Cuilén como Rhydderch ap Dyfnwal, un home cuxa filla fora raptada e violada polo rei. Rhydderch era evidentemente un home cunha posición importante, e puido ter sido fillo de Dyfnwal ab Owain, rei de Strathclyde naquela época.

Despois do asasinato de Cuilén, o reinado de Alba puido ser asumido por outro membro do clan Áeda meic Cináeda, Cináed mac Maíl Choluim, un home que semella que lanzou unha serie de represalias contra os cumbrios. Sábese que Kenneth tivo unha oposición clara do irmán de Cuilén, Amlaíb, quen conseguiu o título de rei de Alba e morreu a mans de Cináed en 977. O fillo de Cuilén, Custantín, sucedeu a Cináed como rei. Hai probas que suxiren que Cuilén tivo outro fillo, Máel Coluim.

Predecesor: Dub

Rei de Escocia 966 – 971

Sucesor: Amlaíb

Véxase tamén

Bibliografía

• Anderson, Alan Orr, Early Sources of Scottish History A.D 500–1286, volume 1. Reprinted with corrections. Paul Watkins, Stamford, 1990. ISBN 1-871615-03-8
• Anderson, Alan Orr, Scottish Annals from English Chroniclers. D. Nutt, Londres, 1908.
• Anon., Orkneyinga Saga: The History of the Earls of Orkney, tr. Hermann Pálsson e Paul Edwards. Penguin, Londres, 1978. ISBN 0-14-044383-5
• Duncan, A.A.M., The Kingship of the Scots 842–1292: Succession and Independence. Edinburgh University Press, Edinburgh, 2002. ISBN 0-7486-1626-8
• Lynch, Michael (ed.), The Oxford Companion to Scottish History. Oxford UP, Oxford, 2002. ISBN 0-19-211696-7